Qazaqstanda kelesi jyldan bastap Ulttyq kitap kúni toılanady
ASTANA. KAZINFORM — Úkimet qaýlysyna sáıkes, jańa mereke 23 sáýirde toılanbaq. Merekelik data Qasym-Jomart Toqaevtiń úshinshi ulttyq quryltaıdyń negizgi sessııasynda qoǵamda joǵary kitap oqý mádenıetin qalyptastyrý maqsatynda bergen tapsyrmasyna oraı paıda boldy.
Buǵan deıin QR Týrızm jáne sport mınıstrliginiń bastamasymen tıisti qujat Ashyq NQA saıtynda jarııalanǵan bolatyn.
«Joba qoǵamda joǵary kitap oqý mádenıetin qalyptastyrý maqsatynda 23 sáýir — Ulttyq kitap kúni merekesin merekelik kúnder tizimine engizý maqsatynda ázirlengen» delingen edi qaýly jobasynda.
Qujat 22 mamyrǵa deıin qoǵam talqysyna usynyldy.
Al qaýly 2024 jylǵy 16 shildede kúshine enetinin atap ótken jón.
Esterińizge salsaq, buǵan deıin senator Nurtóre Júsip Úkimet basshysynyń atyna joldaǵan depýtattyq saýalynda Qazaqstandaǵy qatardaǵy kitaphanashylardyń ortasha jalaqysy 125 000 teńge ekenin jáne bul bilikti kadrlardyń osy saladan ketýine ákeletinin aıtyp, Kitaphana isi týraly jeke zań qabyldaý qajet ekenin alǵa tartqan bolatyn.
