Qazaqstanda kedeılik sheginde turatyn halyq sany artty
QR Strategııalyq josparlaý jáne reformalar agenttigi Ulttyq statıstıka bıýrosynyń málimetinshe, 2022 jylǵy II toqsanda iriktemeli zertteý nátıjesi boıynsha tabysy eń tómengi kúnkóris deńgeıinen de tómen halyqtyń úlesi (kedeılik deńgeıi) 5,1% quraǵan. Bul ótken jyldyń osy kezeńimen salystyrǵanda 0,3 paıyzdyq tarmaqqa joǵary.
«Kedeılik qaýpine úı sharýashylyqtarynyń kólemi qatty áser etedi. Osylaısha, 5 jáne odan da kóp adamnan turatyn úı sharýashylyqtary arasyndaǵy kedeılik deńgeıi 2022 jylǵy II toqsanynyń qorytyndysy boıynsha 9,3% qurady. Bul jalpy kedeılik deńgeıinen 2 esege jýyq joǵary», - delingen Ulttyq bıýro habarlamasynda
Aıta keteıik, bıylǵy ekinshi toqsanda jan basyna shaqqandaǵy eń tómengi kúnkóris deńgeıiniń shamasy 43 100 teńgeni quraıdy.
