Qazaqstanda kedeılik deńgeıi 1996 jyldan bastap 9 ese tómendedi
ASTANA. 13 jeltoqsan. QazAqparat - Qazaqstanda kedeılik deńgeıi 1996 jyldan bastap 9 ese tómendedi. Bul týraly búgin QR Statıstıka agenttiginiń tóraǵasy Álıhan Smaıylov málim etti.
«Kedeılik deńgeıi 1996 jyldan bastap 9 ese tómendedi jáne 2012 jylǵy 3 toqsanda 4 paıyzdy qurady», - dedi ol.
Sonymen qatar agenttik basshysynyń atap ótýine qaraǵanda, bir qyzmetkerdiń ortasha aılyq ataýly jalaqysy 1992 jyldaǵy 128 teńgeden (24 AQSh dollary) 2012 jylǵy qańtar-qazanda 99118 teńgege deıin (666 AQSh dollary) ósti.
Elimizdiń 15 jastaǵy jáne jasy odan da úlken ekonomıkalyq belsendi halqynyń sany 1,1 mln. adamǵa artyp, 2012 jylǵy qarashadaǵy baǵalaý boıynsha 8,9 mln. adamdy qurady.
«Jumyssyzdyq deńgeıi 2 ese derlik tómendedi jáne 2012 jylǵy qarashadaǵy baǵalaý boıynsha ekonomıkalyq belsendi halyqtyń sanynan 5,3 paıyzdy qurady», - dedi Á.Smaıylov.
