Qazaqstanda kedendik bajsyz kartop ımporttaýǵa múmkindik berildi
ASTANA. KAZINFORM — Saýda jáne ıntegratsııa mınıstrligi kedendik baj salyǵyn tólemeı kartop ımporttaýǵa múmkindik berilgenin habarlady.
Bul jeńildik Eýrazııalyq ekonomıkalyq komıssııa Keńesiniń 2025 jylǵy 23 mamyrdaǵy № 35 sheshimi negizinde engizildi.
Importtaýshylar ákelingen kartopty Qazaqstan Respýblıkasynda tirkelgen jáne bólshek saýdamen aınalysatyn tulǵalarǵa tek bólshek saýdada satý maqsatynda ótkizýi tıis. Bir ótinim berýshige arnalǵan ımport kólemi 5000 tonnadan aspaýy kerek. Ótinimder 2025 jylǵy 30 maýsymǵa deıin qabyldanady.
Kedendik bajsyz ımport quqyǵyn alý úshin kelesi qujattar qajet:
-
Taýardyń maqsatty arnalýyn rastaıtyn erkin túrde jazylǵan ótinish haty,
-
Kartop jetkizýge arnalǵan sharttardyń kóshirmeleri,
-
Bólshek saýda oryndarymen jasalǵan kelisimder.
Ótinimder «E-Ótinish» biryńǵaı platformasy arqyly QR Saýda jáne ıntegratsııa mınıstrligine joldanady.
Osyǵan deıin habarlanǵandaı, Premer-mınıstrdiń orynbasary — Ulttyq ekonomıka mınıstri Serik Jumanǵarın kartop baǵasyna qatysty túsinik berdi.