Qazaqstanda qazirgi zamanǵy túrkitaný máseleleri talqylandy

ASTANA. QazAqparat - Almatyda Halyqaralyq TÚRKSOI uıymy jáne ál-Farabı atyndaǵy Qazaq Ulttyq ýnıversıteti, Ystanbul ýnıversıteti men A. Baıtursynuly atyndaǵy Til bilimi ınstıtýtynyń birlesip uıymdastyrýymen «Qazirgi zamanǵy túrkitaný» atty halyqaralyq ǵylymı-teorııalyq konferentsııa ótti, dep habarlaıdy TWESCO   saıty.

Túrki halyqtarynyń tereń tarıhy men ortaq mádenıeti, tili men ádebıetine qatysty máseleler qarastyrylǵan bul konferentsııaǵa túrkitildes respýblıkalardyń Qazaqstandaǵy elshilikteri men konsýldyqtary, Qazaqstan halqy Assambleıasy janyndaǵy túrkitildes mádenı ortalyqtar ókilderi men túrkitaný salasyn zerttep júrgen beldi ǵalymdar men izdenýshiler qatysty.

Keleli jıynnyń ashylý saltanatynda Túrki akademııasy halyqaralyq uıymynyń (TWESCO) basshysy Darhan Qydyráliniń arnaıy quttyqtaý hatyn uıymnyń ǵylymı qyzmetkeri Janat Momynqulov oqyp berdi. 

Konferentsııada qazirgi fılologııanyń ózekti máseleleri jáne aýdarma teorııasy; rýhanı mádenıet jáne fılosofııa men tarıhqa zamanaýı kózqaras; shet tilin oqytý ádistemesiniń ınnovatsııalyq tehnologııalary taqyryptaryna arnalǵan baıandamalar jasaldy. Sondaı-aq, Qazaqstan Prezıdenti N.Á. Nazarbaevtyń «Rýhanı jańǵyrý» baǵdarlamasynda kórsetilgen latyn álipbıiniń keıbir túrkitildes respýblıkalarda qoldanylý erekshelikteri, qazaq tilin latyn álipbıine kóshirýdegi ózekti máseleler de osy jıyn barysynda talqylandy.

Aıta ketý kerek, konferentsııaǵa usynylǵan maqalalar men baıandamalar arnaıy ǵylymı jınaq retinde jaryq kóredi.