Qazaqstanda qazirgi tańda energetıkalyq qaýipsizdik 100 paıyz qamtamasyz etilgen-D. Turǵanov
ALMATY. 2 qarasha. QazAqparat /Erlik Erjanuly/ - Qazaqstannyń elektr energetıkasyndaǵy generatorlyq qýat ishki suranysty qamtamasyz etýge tolyq jetedi. Bul búgin Almatyda ótip jatqan Energetıkter forýmynda sóz boldy.
"Qyrǵyzstannan bıyl úkimetaralyq kelisim boıynsha 1 mıllıard 600 mıllıon kVt/saǵ. energııa satyp aldyq. Bul elimizde elektr energııasynyń tapshylyǵynan oryn alyp otyrǵan joq. Ony Qyrǵyzstannan elektr energııasyn tutynýdyń deńgeıi joǵarǵy shegine jetken kezde qýatty retteý úshin alamyz"- deıdi QR Indýstrııa jáne jańa tehnologııalar vıtse-mınıstri Dúısenbaı Turǵanov.
Onyń aıtýynsha, Qazaqstanda bıyl elektr energııasynyń eksporty azaıdy. Reseıdiń byltyr apatty jaǵdaı oryn alǵan elektr stansasyn jyldam qalpyna keltirýine oraı josparlanǵan eksport júzege aspaı qaldy. Jalpy búgingi tańda Qazaqstan óz elektr energııasyn ózge elderge erkin saýdalaı alady. Kórshiles Reseıdiń ne Qyrǵyzstannyń energetıka naryǵyna eshqandaı táýeldiligi joq.
