Qazaqstanda qazirgi bessaıystan Álem chempıonaty ótýi múmkin
ASTANA. 26 qyrkúıek. QazAqparat - Aldaǵy ýaqytta Qazaqstanda qazirgi bessaıystan Álem chempıonaty ótýi múmkin. Bul týraly búgin Astanada ótken baspasóz máslıhatynda QR Sport jáne dene shynyqtyrý isteri agenttigi tóraǵasynyń orynbasary Elsııar Qanaǵatov málim etti.
«Biz barlyǵyn retimen jasap jatyrmyz ǵoı. Azıada oıyndaryn ótkizdik, endi Ýnıversıada, al odan keıin Olımpıada mejesi bar. Sol sııaqty bessaıysta da Azııa chempıonatynan bastap, keıin Álem kýbogy kezeńderi, sonan soń Álem chempıonaty dep osylaı satylap ótkizýge bizdiń jaǵdaıymyz bar», - dedi ol.
Búginde elimiz kóptegen sport túrinen iri saıystardy ótkizýge qaýqarly ekenine toqtalǵan E. Qanaǵatov: «Bastysy - bessaıys boıynsha Azııa chempıonatyn tıisti deńgeıde ótkizý. Jaqsy sportshylardy daıarlaýdy jalǵastyrý kerek. ıAǵnı, bul baǵytta elimizde Álem chempıonatyn ótkizý úshin jaqsy nátıje bolý kerek», - dedi.
Aıta keteıik, 26 qyrkúıek pen 4 qazan aralyǵynda Astana qalasynda alǵash ret qazirgi bessaıystan Azııa chempıonaty ótedi.
