Qazaqstanda qazan aıynda eń tómengi kúnkóris deńgeıi 25 738 teńgeni qurady
ASTANA. QazAqparat - Qazaqstanda kúnkóristiń eń tómen deńgeıiniń kórsetkishi qazan aıynda 25 myń 738 teńgeni qurady. Bul ótken aımen salystyrǵanda 2,4%-ǵa artyq, dep habarlaıdy «QazAqparat» HAA QR Ulttyq ekonomıka mınıstrliginiń statıstıkalyq komıtetine silteme jasap.
Qazan aıynda kúnkóristiń eń tómen deńgeıiniń shamasy negizgi azyq-túlik ónimderin tutynýdyń tómengi normasymen esepteı otyryp adam basyna shaqqanda 2016 jyldyń jeltoqsan aıymen salystyrǵanda 19,6%-ǵa artqan, byltyrǵy jyldyń osy aıymen salystyrǵanda 9,7%-ǵa artý baıqalady.
Kúnkóris mınımýmynyń qalyptasýynda ótken aıda et jáne balyq ónimderin tutyný shyǵynynyń úlesi 19,6% qurady, sút ónimderi, jemis-jıdekter - 15,8%, maı ónimderi men jumyrtqa - 14,9%, nan jáne jarma ónimderi - 7,5%, qant, sháı jáne dámdeýishter - 2,2%.
