Qazaqstanda qazan aıynda azyq-túlik baǵasynyń ósimi 8,4%-ke jetti

ASTANA. QazAqparat - Qazaqstanda 2017 jyldyń qazan aıyndaǵy azyq-túlik taýarlarynyń baǵasy 2016 jyldyń sáıkes kezeńimen salystyrǵanda 8,4%-ke ósti, dep habarlaıdy «QazAqparat» HAA QR Ulttyq ekonomıka mınıstrliginiń Statıstıka komıtetine silteme jasap. 

Esepti kezeńde jemis-kókónistiń baǵasy 15,1%-ke ósip, kondıter ónimderi 12%-ke, alkogoldi ishimdikter 10,8%-ke, sút ónimderi 10,5%-ke, kofe, shaı jáne kakao 9,4%-ke, balyq jáne teńiz ónimderi 9,3%-ke, bólke jáne un ónimderi 8,6%-ke, nan 3,1%-ke, makaron ónimderi 2,5%-ke, un 2,4%-ke qymbattaǵan.

Al qant 14,7%-ke, jarmalar 11,3%-ke arzandaǵan. Et jáne et ónimderiniń baǵasy 11,2%-ke ósken. Atap aıtqanda, sıyr eti 14,4%-ke, qoı eti 13,5%-ke, shoshqa eti 10,3%-ke, jylqy eti 8,8%-ke, qus eti 8,5%-ke, al shujyq ónimderi 6,7%-ke qymbattaǵan.