Qazaqstanda Qazaqstan halqy Assambleıasy qoǵamdyq kelisiminiń 1 722 keńesi jumys isteýde -E.Toǵjanov (FOTO)
«Qazir 1 722 keńes jumys istep jatyr, sonyń ishinde 10 oblystyq, 77 qalalyq, 47 aýdandyq jáne 1 377 aýyldyq deńgeıde, sonymen qatar 111 qoǵamdyq kelisim keńesi iri kásiporyndardyń ujymdarynda jumys isteýde. Jyl basynan beri 252 keńeske ósti, ásirese qala jáne iri kásiporyndar deńgeıinde», - dedi E.Toǵjanov.
QHA Tóraǵasynyń orynbasary qoǵamdyq kelisim keńesteri Assambleıa tóraǵasy - QR Prezıdenti Nursultan Nazarbaevtyń tapsyrmasy boıynsha qurylǵanyn eske saldy.
Forýmǵa QHA músheleri, Parlament depýtattary, oblystyq jáne aýdandyq máslıhattardyń hatshylary, ákimderdiń orynbasarlary, olardyń keńesshileri, etnomádenı birlestikterdiń jetekshileri, memlekettik organdardyń jáne kásipodaqtardyń, ardagerler keńesteriniń, QHA jýrnalıster klýbynyń ókilderi qatysýda.
