Qazaqstanda qazaq tilin iPad arqyly oqýǵa múmkindik beretin qosymsha qurastyrylýda

Bul týraly búgin Astanada «Integratsııa: til, mádenıet, salt-dástúrler» atty halyqaralyq bilim berý jobasynyń tusaýkeseri barysynda «Tildaryn» tilderdi oqytý ınnovatsııalyq tehnologııalary ádistemelik ortalyǵynyń keńesshisi Vıtalıı Aleksandrov málim etti.

«Proektor arqyly bultty aspanda sózderdi, qazaq tilindegi sóz tirkesterin túsire alatyn tehnologııalar bar. Elordadaǵy Esil jaǵasynda osy tehnologııalar arqyly belgili bir ýaqyt saıyn qazaq tilindegi sózderdi shyǵarýǵa bolar edi. Balalarǵa arnalǵan planshettik qosymshalar jasaý týraly másele kóterilgen bolatyn. Biz ol jumysty bastap kettik, qazirgi ýaqytta  iPad-qa arnalǵan qosymsha qurastyrylýda», - dep atap kórsetti ol.

Sonymen qatar aıta keteıik, «Qazaqstan halqy Assambleıasy qory» Qoǵamdyq qory janyndaǵy «Tildaryn» tilderdi oqytý ınnovatsııalyq tehnologııalarynyń  ádistemelik ortalyǵy, álemge áıgili lıngvıst Dmıtrıı Petrovtyń tájirıbesi negizinde memlekettik tildi jedeldetip oqytýdyń biregeı ádistemesin ázirledi.

Bul ádis boıynsha birinshi top Túrkııada oqytylyp jatyr. Búgin onlaın rejimde Túrkııa-Qazaqstan beınesabaqtary ótti.