Qazaqstanda «Qaıyrymdylyq kerýeni» jalpyulttyq aktsııasy bastaldy
«QazAqparat» agenttigine bergen suhbatynda QHA hatshylyǵynyń sektor meńgerýshisi Názıpa Shanaı aktsııanyń maqsaty Elbasy jaqynda qol qoıǵan «Qaıyrymdylyq týraly» Zańyn júzege asyrýdy qamtamasyz etýge negizdelgenin atap ótti.
«Árıne, Assambleıa qyzmetiniń negizinde qaıyrymdylyq qamtylǵan. Egerde tarıhqa oralsaq, tek 1930 jyldan 1945 jyl aralyǵynda 62 etnıkalyq top Qazaqstanǵa kúshtep jer aýdaryldy. Osy etnıkalyq toptardyń búginge deıin halyq retinde saqtalǵany - Uly Daladaǵy qazaq halqynyń qanynda bar qaıyrymdylyǵynyń arqasynda. Búginde qandaı jaǵdaı bolmasyn, ıaǵnı ekonomıkalyq nemese áleýmettik ahýalǵa qaramastan, bizdiń halyq ishteı kómek qolyn sozýǵa daıar»,-dedi ol.
N. Shanaıdyń búginde qaıyrymdylyq jasaýshylar men metsenattar memlekettiń kómekshisi retinde qoǵamǵa qajet ekenin, bul baǵyttaǵy sharalardyń mártebesin kóterý mańyzdy bolyp tabylatyndyǵyn atap ótti.
Osy oraıda ol álemdegi kúrdeli ekonomıkalyq jaǵdaıǵa qaramastan, kómek jasaýǵa nıetti adamdar sany artyp kele jatqanyn atap ótti.
«Qaıyrymdylyq kerýeni» aktsııasy - qoǵamda meıirimdilikti, gýmanızm men ózara rııasyz kómek jasaýdy ornyqtyrý men qazaqstandyqtardyń, solardyń ishinde balalardyń, múmkindigi shekteýli adamdardyń ómir jaǵdaılary men densaýlyǵyna qamqorlyqty kúsheıtýge baǵyttalǵan joba.
