Qazaqstanda qaıyr suraıtyn adamdardyń 80 paıyzy sheteldik azamattar - QR ІІM
ASTANA. QazAqparat - Qazaqstanda polıtsııa ustaǵan qaıyr suraıtyn adamdardyń 80 paıyzy - sheteldik azamattar. Bul týraly búgin Astanada Ortalyq kommýnıkatsııalar qyzmetindegi «Ákimshilik quqyq buzýshylyq týraly kodekstiń jańa redaktsııasynyń negizgi qaǵıdalary týraly» atty brıfıngte QR ІІM Ákimshilik polıtsııa komıtetiniń tóraǵasy Igor Lepeha málim etti.
«Qazaqstandaǵy ómir súrý deńgeıi keıbir memleketterge qaraǵanda joǵary jáne sondyqtan da elimizge kórshiles memleketterden qaıyr suraıtyndardyń aǵymy joǵary. Ótken jyly ustalǵan qaıyr tileýshiler boıynsha jasalǵan taldaýlarǵa toqtalatyn bolsaq, olardyń 80 paıyzy sheteldikter»,- dep naqtylap ótti ol.
Esterińizge sala keteıik, jańa Ákimshilik quqyqbuzýshylyq kodeksiniń 449-babynda azamattardyń mazasyn alý syndy qylyqtar úshin jaýapkershilik qarastyrylǵan. Onyń sózine qaraǵanda, osyndaı norma damyǵan elderde tıimdi nátıje berýde. Mundaı áreketter úshin salynatyn aıyppul kólemi bastapqyda 5 AEK-ti qurasa, ekinshi márte qaıtalanǵan jaǵdaıda 10 AEK-ke jetedi nemese ony jasaǵan adam 5 táýlikke deıin ákimshilik qamaýǵa alynady. Sheteldikter 5 táýlikke deıin ákimshilik qamaýǵa alynady jáne eldiń aýmaǵynan shettetiledi. Aıta keteıik, búgingi tańda 1 AEK kólemi 1982 teńgege teń.
