Qazaqstanda qaıyrymdylyq maqsatynda aqsha jınaýǵa tyıym salyna ma – mınıstr jaýaby

ASTANA. KAZINFORM – Mádenıet jáne aqparat mınıstri Aıda Balaeva qaıyrymdylyq maqsatynda aqsha jınaýdy retteý máselesine qatysty pikir aıtty. 

«Jumys toby quryldy, másele talqylanyp jatyr. Naqty sheshimder áli joq, óıtkeni barlyq usynysty jınap, sarapshylardyń pikirin zertteımiz. Mundaı bastamalar jaı ǵana qabyldanbaıtynyn túsiný kerek. Alypsatarlyq, alaıaqtyq faktiler bar. Osyǵan oraı qaıyrymdylyq kómek tetigin jetildirý máselesin qarastyramyz», - dedi Aıda Balaeva Májilis otyrysynan keıin BAQ ókilderiniń saýalyna jaýap berý barysynda.

Mınıstrdiń aıtýynsha, qaıyrymdylyq maqsatynda qarjy jınaý tetigin retteý máselesi azamattyq qoǵamnyń qatysýymen keńinen, jan-jaqty talqylanýy tıis. Degenmen vedomstvo basshysy atalǵan máseleni qoǵamdyq talqylaýǵa qashan shyǵarylatynyn aıtpady. 

«Bul qadam azamattardyń múddesi úshin, ıaǵnı kómekke muqtaj jandarǵa qol ushyn sozý úshin jasalǵanyn túsinemin», - deıdi ol. 

Buǵan deıin Aıda Balaeva onlaın petıtsııaǵa qatysty shekti daýysty 50 myńnan asyrý máselesi talqylanyp jatqanyn jetkizdi.