Qazaqstanda qaı salada jumys tabý ońaı nemese qıyn

ASTANA. KAZINFORM – Elimizde qaı salada jumys tabý jeńil nemese qıyn jáne onyń sebebi nede? Bul saýalǵa Eńbek jáne halyqty áleýmettik qorǵaý vıtse-mınıstri Oljas Anafın jaýap berdi.

- Zamanaýı tehnologııa, avtomattandyrý, robottandyrý jáne jasandy ıntellektini engizýge baılanysty keıbir mamandyq suranyssyz qalyp jatyr. Kerisinshe, suranysqa ıe bolyp jatqan mamandyqtar da bar. Eńbek naryǵynan shyǵyp jatqan mamandyqtarǵa toqtalsaq, ol operatsııalyq eńbekti talap etetin mamandyqtar, solardyń biri - kassır-operator. Qazir saýda ortalyqtarynda azamattardyń basym bóligi elektrondy kassa arqyly qyzmet alady, - dep túsindirdi Oljas Anafın ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq vıtse-mınıstr tómengi býyndaǵy býhgalterler de suranyssyz qalatynyn aıtyp otyr.

- Buryn olar tek býhgalterlik jazbany júrgizse, qazirgi býhgalter aqparattyq júıeniń paıdalanýshysy, analıtık. Sondyqtan operatsııalyq eńbekti talap etetin mamandyqtar ekinshi orynǵa yǵystyrylady, - deıdi ol.

Aıta keteıik, bıyl 292 myń qazaqstandyq jumysqa ornalasty.