Qazaqstanda qaı óńirdiń turǵyndary shylymqor

ASTANA. QazAqparat – Bıyl qańtar-qyrkúıekte elimizdiń kásiporyndary 13,5 mlrd dana sıgaret, sıgar, shylym jáne basqa da uqsas ónimder shyǵardy, dep habarlaıdy QazAqparat tilshisi.

Energyprom portalynyń málimetinshe, bul kórsetkish ótken jylmen salystyrǵanda 15 paıyzǵa artyq.

Esepte kezeńde aqshalaı eseptegende 206,5 mlrd teńgeniń ónimi óndirildi.

2022 jyldyń segiz aıynyń qorytyndysynda jergilikti kompanııalar sıgaret pen shylymǵa degen suranysty (ishki naryqta satý jáne eksport) bir jyl burynǵy 77,9 paıyzben salystyrǵanda 60,1 paıyz qamtamasyz etti.

Importtyń úlesi - 39,9 paıyz. Elge 7,8 mlrd dana sıgaret pen shylym ákelindi, bul ótken jyldyń sáıkes kezeńimen salystyrǵanda 2,7 ese kóp.

Bıyl ekinshi toqsanda úı sharýashylyqtarynyń temeki ónimderine jumsaǵan shyǵyny 11,2 myń teńgege jetti.

Bul bir jyl burynǵydan 9,8 paıyzǵa kóp.

Elimizde Soltústik Qazaqstan oblysynyń turǵyndary kóp temeki shegedi: ekinshi toqsanda oblystaǵy árbir úı orta eseppen temeki ónimderine 19,5 myń teńge jumsaǵan.

Odan keıin Pavlodar (18 myń teńge) jáne Shyǵys Qazaqstan (17,7 myń teńge) oblystary tur.

Qazan aıynyń qorytyndysynda fıltrli sıgaretter bir jylda 16,4 paıyzǵa qymbattady.

Baǵanyń eń joǵary ósimi Shyǵys Qazaqstan (21,6%) jáne Aqmola (20,5%) oblystary men Almaty qalasynda (19,3%), al eń tómen ósimi Almaty oblysynda (11%) tirkeldi.