Qazaqstanda qaı óńirdiń halqy uzaq ómir súredi
ALMATY. QazAqparat - Almatyda ortasha ómir súrý uzaqtyǵy 76 jasqa jetti. Bul - búkil el boıynsha eń joǵary kórsetkish. Bul týraly búgin qalalyq qoǵam densaýlyǵy basqarmasy basshysynyń orynbasary Ásel Bısenbaeva aıtty, dep habarlaıdy QazAqparat tilshisi.
«Densaýlyq turǵysynan negizgi kórsetkishter boıynsha oń dınamıka baıqalady. Almatyda ortasha ómir súrý uzaqtyǵy respýblıka boıynsha rekordty kórsetkish - 76 jas. Onkologııalyq aýrýlardan bolatyn ólim azaıǵan. Týberkýlezden bolatyn ólim - 8%-ǵa, jalpy ólim kórsetkishi - 1,6%-ǵa tómendegen», - dedi Ásel Bısenbaeva.
Onyń aıtýynsha, respýblıka boıynsha ortasha ómir súrý uzaqtyǵy - 73 jas.
«2018 jyly densaýlyq saqtaý salasyna 165 jas maman tartylǵan. Odan bólek, orta medıtsınalyq oqý ornyn bitirgen 309 túlek jumysqa ornalasty», - dedi ol.
