Qazaqstanda qaı memlekettik organnyń baspasóz qyzmeti belsendi jumys isteıdi
Dástúrli baǵamdaý ólshemine saı, Іshki ister mınıstrliginiń baspasóz qyzmeti 10-orynǵa turaqtady. Organnyń baspasóz qyzmeti bolǵan oqıǵaǵa oraı jedel aqparat taratýǵa barynsha tyrysyp baǵady. Byltyr Aqtóbe men Almatyda bolǵan terrorlyq oqıǵadan júrgizilgen operatsııada halyqqa shuǵyl aqparat berip, jurttyń saýatty áreket jasaýyna yqpal etti.
Óz salalaryna qatysty bolyp jatqan oqıǵalarǵa der kezinde jaýap berýge tyrysatyndardyń biri - Ulttyq ekonomıka mınıstrligi. Olar aqparat quraldaryna spıkerler taýyp berip, materıaldarynyń mazmundy bolýyna únemi múddeli. Sondyqtan da olarǵa 9-oryn buıyrdy.
Batys Qazaqstan oblysy ákimdiginiń jumysy aqparat quraldary men áleýmettik jelide júıeli jarııalanady. 8-orynǵa turaqtaǵan ákimniń baspasóz qyzmeti soǵan qaraǵanda qazirgi qoǵamda aqparattyq salanyń qanshalyqty mańyzdy ekenin tereń túısinetin tárizdi.
Eldegi eń úlken qala Almaty qalasy ákimdiginiń baspasóz qyzmeti 7-orynda.
6-oryn Aqparat jáne kommýnıkatsııalar mınıstrliginde.
Óz kezeginde úzdik bestikti Parlamenttiń tómengi palatasynyń baspasóz qyzmeti qorytyndylaıdy.
Eń belsendi jumys isteıtinderdiń qatarynda bas qalanyń baspasóz qyzmeti de bar. Astana ákimdiginiń baspasóz qyzmeti 4-orynǵa ornalasty. «Apta» baǵdarlamasynyń saraptama ortalyǵy eń jaqsy jumys isteıtin baspasóz qyzmeti arasynan 3-orynǵa QR Aýyl sharýashylyǵy mınıstrligin laıyq dep tapty.
Ekinshi orynda Qyzylorda ákimdiginiń baspasóz qyzmeti tur. Ortalyqtan shalǵaıda jatsa da, olar kez kelgen saýalǵa ýaqyt ozdyrmaı der kezinde jaýap daıyndap jiberedi.
Al, ózgelerge ónege bolatyny - Bas prokýratýranyń baspasóz qyzmeti. Sondyqtan, olar 1-orynda. Basty sebep, bul mekemeniń baspasóz ortalyǵy tek qana BAQ-pen emes, sonymen birge, qalyń buqaramen de tikeleı qatynas ornatý maqsatynda elektrondyq júıeni engize bastady.
