Qazaqstanda qaı elderdiń azamattary qylmysty kóp jasaıdy
ASTANA. QazAqparat - Mıgranttar elimizdegi krımınaldyq jaǵdaıǵa aıtarlyqtaı áser etpeıdi. Bul týraly búgin Parlament Májilisindegi Úkimet saǵatynda QR Іshki ister mınıstri Qalmuhanbet Qasymov málim etti, dep habarlaıdy QazAqparat.
«Jalpy alǵanda, mıgranttar elimizdegi krımınaldyq jaǵdaıǵa eleýli áser etpeıtinin atap ótkim keledi. Sońǵy jyldardaǵy statıstıkany alsaq, elimizde jasalatyn qylmystardyń ishinde mıgranttardyń úles salmaǵy 2,5 paıyzdan aspaıdy. Kóp jaǵdaıda olar TMD elderiniń azamattary», - dedi Q. Qasymov.
Budan buryn habarlanǵandaı, Úkimet otyrysynda Іshki ister mınıstri elimizde zańsyz kóshi-qon negizinen eńbek mıgranttarynyń arasynda baıqalatynyn aıtqan edi.
«Jyl saıyn 100 myńnan astam shetel azamattary ákimshilik jaýapqa tartylady, olardyń 10 myńnan astamy elden shyǵarylady. Sheteldik jumys kúshin zańsyz paıdalanǵan eki myńnan astam jumys berýshige aıyppul sanktsııasy salyndy. Ótken jyly bıýdjetke 115 mln teńge qarjy tústi. Qylmystyq kodekste zańsyz kóshi-qondy uıymdastyrǵan adamǵa bes myń AEK kóleminde aıyppul nemese 7 jylǵa deıin bas bostandyǵynan aıyrý belgilengen. Ótken jyly osyndaı faktiler boıynsha 89 qylmystyq is qozǵalǵan», - dedi Q. Qasymov.
