Qazaqstanda «Qaýipsiz qala» aktsııasynyń tórt kúninde jol qozǵalysy erejelerin buzýdyń 40 myńnan astam oqıǵasy tirkeldi
ASTANA. Maýsymnyń 21-i. QazAqparat - Qazaqstanda Іshki ister mınıstrligi maýsym aıynyń 14-i men 18-i aralyǵynda ótkizgen «Qaýipsiz qala» aktsııasy kezinde jol qozǵalysy erejelerin (JQE) buzýdyń 40 myńnan astam oqıǵasy tirkeldi, dep habarlaıdy QR ІІM Jol polıtsııasy komıtetiniń baspasóz qyzmeti.
Ótkizilgen operatsııalar barysynda JQE-rin óreskel buzýdyń faktilerin anyqtaý men joıýǵa basa nazar aýdaryldy. Osynyń arqasynda aktsııa ótkizilgen 4 kún ishinde kólik róline mas kúıinde otyrýdyń 1 289 oqıǵasy, belgilengen jyldamdyqty asyrýdyń 9 668 faktisi, qarsy betke shyǵyp ketýdiń 781 oqıǵasy men apatty jaǵdaı týǵyzýdyń 375 faktisi tirkeldi.
Sondaı-aq, aktsııa kezinde jolaýshylar tasymaldaýmen aınalysatyn júrgizýshilerdiń kólikterdi paıdalaný jáne JQE-ni óreskel buzýdyń 1007 oqıǵasyn anyqtady. Bul baǵytta memlekettik kólik júrgizýshileriniń tarapynan bolǵan quqyq buzýshylyqtardyń úles salmaǵy 750-di qurady.
Baspasóz qyzmetinen habarlaǵandaı, ústimizdegi jyldyń 5 aıynda respýblıka joldarynda 3 742 jol-kólik oqıǵasy tirkelip, onyń saldarynan 785 adam qaıtys bolyp, 4 371 adam túrli dene jaraqattaryn aldy. Ótken jyldyń osy kezeńimen salystyrǵanda, dep habarlaıdy Jol polıtsııasy komıtetinen, oqıǵalar sany 5,6 paıyzǵa azaıyp, qaza tapqandar men zardap shekkender sany sáıkesinshe 0,8 jáne 4,3 paıyzǵa kemidi.
