Qazaqstanda qaýyn men qarbyz qansha turady
ASTANA. KAZINFORM – Elimizde baqsha daqyldarynyń maýsymy bastaldy. Dúken sórelerinde qaýyn men qarbyz qaptap, sáıkesinshe ónim baǵasy arzandaı tústi. Qysta syrttan ákelingen qarbyzdyń kelisi 700 teńge nemese odan da joǵary bolsa, qazir baǵasy aıtarlyqtaı arzandaǵan. Kazinform agenttiginiń tilshisi elimizdiń túkpir-túkpirindegi qarbyz men qaýynnyń baǵasyna úńilip kórdi.
Shymkent pen Túrkistanda qarbyzdyń kelisi 200-300 teńge, al qaýynnyń baǵasy 200-500 teńge. Bul qalalardaǵy qaýyndar elimiz boıynsha eń arzan bolyp sanalady.
Al Qyzylordada qaýyn baǵasy 1000-1300 teńge turady. Mundaǵy qarbyzdar da eń arzan ónim qatarynda. Ár kelisi 90 teńgege baǵalanyp otyr.
Aqtóbe, Taraz, Aqtaý, Qostanaı, Petropavl, Kókshetaý, Qaraǵandy, Semeı, Jezqazǵan, Taldyqorǵan, Oral, Óskemen, Astana jáne Almaty qalalarynda qarbyzdyń kelisi 120-190 teńge aralyǵynda satylady. Atyraý men Pavlodarda baǵa joǵary. Qarbyzdy kem degende 200-250 teńgege satyp alasyz. Al, Qonaev qalasynda eń qymbat qarbyzdar satylady. Ár kelisine 500 teńgeden sanap beresiz.
Qaýynnyń baǵasy qarbyzǵa qaraǵanda qymbat ekeni aıtpasa da túsinikti. Aımaqtar boıynsha kelisine 200-600 aralyǵynda aýytqıdy. Qaýynnyń eń arzany – Taldyqorǵan men Tarazda (180-200 teńge). Almaty, Aqtaý, Aqtóbe, Kókshetaý, Óskemen jáne Astanada 240-300 teńgege teń. Dese de, elordalyq ınternet-dúkender qaýynnyń kelisin 960 teńgeden usynyp otyr. Qaýynnyń baǵasy Qonaev, Petropavl, Qaraǵandy, Oral, Atyraý, Pavlodar, Semeı qalalarynda 450-500 teńge aralyǵynda satylady. Qostanaı men Jezqazǵandaǵy qaýyndar eń qymbaty – ár kelisine 590-600 teńge jumsaısyz.
Qarbyzdyń álemdegi eń qymbat sorty - «densýke» Japonııada ósiriledi. Onyń túsi qara, jolaqtary joq. Dámi kádimgi qarbyzǵa uqsaıdy. 2019 jyly 11 kelilik «densýke» aýktsıonda 750 myń japon ıenine nemese 2,2 mıllıon teńgege satylǵanyn atap ótken jón.
Qaýynnyń eń qymbat túri «ıýbarı kıng» bolyp sanalady. Japon bazarlarynda bir qaýynnyń baǵasy 50-200 dollarǵa baǵalanady. 2019 jyly aýktsıondardyń birinde Tokıonyń Pokka Sapporo Food & Beverage Ltd kompanııasy 46 myń dollarǵa, ıaǵnı 19 mıllıon teńgege eki qaýyn satyp alǵan bolatyn. ıÝbarı ósirý kezinde jemisterge massaj jasalyp, órnek birkelki jáne aıqyn bolýy úshin qabyǵy tegisteletindigimen tanymal. Dámi qarbyz men ananas qospasyna uqsaıdy.
