Qazaqstanda barlyq qaldyq túrin retteıtin tujyrymdama ázirlenip jatyr
ASTANA. KAZINFORM — Elimizde qaldyqtardy basqarý salasyndaǵy qarjylandyrylatyn jobalar sany 5 ese artady. Bul týraly Ekologııa jáne tabıǵı resýrstar vıtse-mınıstri Jomart Álıev málim etti.
— Bıyl 28 naýryzda Premer-mınıstr Oljas Bektenovtyń tóraǵalyǵymen ótken Úkimet otyrysynda kommýnaldyq jáne óndiristik qaldyqtarmen jumys isteý salasyndaǵy saıasatty júıeli túrde qaıta qaraý qajettiligine erekshe nazar aýdaryldy, — dedi Jomart Álıev Astanada ótken IX eýrazııalyq bıznes forýmynda.
Osy oraıda Ekologııa jáne tabıǵı resýrstar mınıstrligi múddeli taraptarmen birqatar bastamany qolǵa aldy:
— 2025 jylǵy 1 qyrkúıekke deıin barlyq qaldyq túrin basqarý jónindegi tujyrymdama ázirleý;
— Qaldyqtardy basqarý salasyndaǵy jobalardy iske asyrý jumysyn jandandyrý jáne qarjylandyrylǵan jobalar sanyn 5 ese arttyrý;
— Qaldyqtardy energetıkalyq kádege jaratý salasyndaǵy jobalar tizbesin aıqyndaý;
— Qaldyqtardy esepke alý jáne monıtorıng júrgizý boıynsha tsıfrlyq sheshim engizý;
— Óńir ákimdikterine qaldyqtardy suryptaý jáne qaıta óńdeý jónindegi ár jobany paıdalanýǵa berilgenge deıin tolyq súıemeldeýdi qamtamasyz etý.
— Ónerkásip jáne qurylys jáne Energetıka mınıstrligine óndiristik qaldyqtardy qaıta óńdeýmen aınalysatyn ónerkásiptik jáne energetıkalyq kásiporyndarǵa qoldaý kórsetý men yntalandyrýdyń naqty sharalaryn ázirleý.
— Joǵaryda atalǵan qadamdar qaldyqtarmen jumys isteýdiń ornyqty ári ashyq júıesine jedel kóshýge saıası erik-jiger bar ekenin kórsetedi jáne saladaǵy ulttyq strategııany kúsheıtýge negiz, — deıdi mınıstrdiń orynbasary.
Buǵan deıin Ekologııa vıtse-mınıstri Jomart Álıev Qazaqstanda «Jasyl» salyq engizý týraly usynysty jan-jaqty taldaý qajettigin aıtqan edi.
Aıta keteıik, búgin Astanada «Jańartylatyn energııa jáne qaldyqtardy qaıta óńdeý» atty taqyrypta ІH eýrazııalyq bıznes-forým ótti. Atalǵan jıynda Májilis depýtaty Ajar Saǵyndyqova Qazaqstanda qaldyqtardy basqarý boıynsha jeke zań jobasyn ázirleý kerektigin aıtyp, «jasyl» salyq engizýdi usyndy.