Qazaqstanda qatań shekteý sharalary taǵy 2 aptaǵa uzartylýy múmkin

NUR-SULTAN. QazAqparat - Qazaqstanda qatań shekteý sharalary epıdemıologııalyq ahýal jaqsarmasa, taǵy 2 aptaǵa uzartylýy múmkin. Bul týraly Memlekettik komıssııa otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

Úkimet basshysy elimizdegi epıdemıologııalyq ahýaldyń aldaǵy ýaqytta qalaı ózgeretinine baılanysty atalǵan shekteý sharalary 2 aptaǵa uzartylýy nemese qatańdatylýy múmkin ekenin atap ótti.

Jańa shekteý sharalaryn talqylaýǵa ortalyq memlekettik jáne jergilikti atqarýshy organdardyń basshylary, QR Parlamenti Májilisiniń depýtattary, «Atameken» UKP tóraǵasy A. Myrzahmetov, Qazaqstan kásipkerleriniń quqyqtaryn qorǵaý jónindegi ýákiletti R. Júrsinov jáne taǵy basqalar qatysty.

Eske sala keteıik, búgin Memlekettik komıssııa epıdemıologııalyq jaǵdaıdy turaqtandyrý jónindegi sharalardy bekitken bolatyn.