Qazaqstanda kásiptik oqýǵa joldanǵandar sany 1,2 ese artty
ASTANA. KAZINFORM – Kásiptik oqytýdy damytý jumyspen qamtý salasyndaǵy memlekettik saıasattyń negizgi baǵyttarynyń biri bolyp qala beredi. Bilikti kadrlardy daıarlaý eńbek naryǵynda suranysqa ıe mamandarmen ekonomıkany qamtamasyz etýge, sondaı-aq azamattardyń jumysqa ornalasý jáne kásibı damý múmkindikterin keńeıtýge baǵyttalǵan.
2026 jylǵy 1 shildedegi jaǵdaı boıynsha kásiptik oqýǵa 3 741 adam joldandy. Bul ótken jyldyń sáıkes kezeńimen salystyrǵanda 1,2 ese joǵary (3 049 adam).
Oqytý eńbek naryǵynyń ózekti qajettilikteri men jumys berýshilerdiń suranysyna sáıkes aıqyndalǵan kásipter men mamandyqtar boıynsha uıymdastyrylady. Baǵdarlamalardyń uzaqtyǵy alty aıǵa deıin sozylady, al oqý kýrstarynyń mazmuny biliktilik talaptary men jumys berýshilerdiń qajettilikterin eskere otyryp qalyptastyrylady.
Kásiptik oqytý azamattarǵa jańa quzyretterdi meńgerýge, biliktiligin arttyrýǵa nemese jańa kásip ıgerýge múmkindik beredi. Bul óz kezeginde olardyń eńbek naryǵyndaǵy básekege qabilettiligin arttyryp, keıingi jumysqa ornalasý múmkindikterin keńeıtedi.
Sonymen qatar Ulttyq biliktilik júıesin damytý jumystary jalǵasýda. Kásiptik standarttar ázirlenip, jumys berýshiler men bilim berý uıymdary arasyndaǵy ózara is-qımyl tetikteri jetildirilýde, sondaı-aq mansaptyq damý men biliktilikti arttyrý salasyndaǵy tsıfrlyq servıster keńeıtilýde.
Bilikti kadrlardy daıarlaý adamı kapıtaldy damytýǵa jáne ekonomıkany eńbek naryǵynyń zamanaýı talaptaryna saı keletin mamandarmen qamtamasyz etýge baǵyttalǵan memlekettik saıasattyń mańyzdy baǵyttarynyń biri retinde qarastyrylady.
Qazaqstan Respýblıkasy Eńbek jáne halyqty áleýmettik qorǵaý mınıstrliginde aldaǵy kezeńde kásiptik oqytý múmkindikterin keńeıtýge, jumys berýshilermen ózara is-qımyldy nyǵaıtýǵa jáne ekonomıkanyń qajettilikterine sáıkes kadrlar daıarlaý tetikterin odan ári jetildirýge basymdyq beriletini atap ótildi.
