Qazaqstanda kásiporyndarda basshylyq etetin áıelder sany 39 paıyzǵa jetti

ASTANA. QazAqparat - Qazaqstanda kásiporyn basshylarynyń jalpy sanynda áıelderdiń úlesi 39 paıyzǵa jetti. Bul týraly búgin Ortalyq kommýnıkatsııalar qyzmetindegi baspasóz máslıhatynda «Atameken» Ulttyq kásipkerler palatasy Іsker áıelder keńesiniń tóraıymy Lázzat Ramazanova málim etti.

«Eger de statıstıkaǵa súıensek, búginde bizde 1 mln. 656 myńǵa tarta kásiporyn basshylary bar. Onyń ishinde 656 216-sy áıelder, ıaǵnı jalpy sannyń ishinde 39 paıyzdy qurap otyr. Astana men Almaty qalalarynda bul kórsetkish 50 paıyzdan asty. ıAǵnı, elimizde bızneske názik jandylar belsendi tartylýda», - dedi L. Ramazanova.

Onyń sózine qaraǵanda, osy maqsat úshin Qazaqstannyń kóptegen óńirinde áıelder kásipkerligin damytýǵa arnaıy kýrstar men trenıngter júrgizilýde.

«Áıelderge óziniń isin bastaý úshin árdaıym kómek pen qoldaý kerek. Olarǵa qarjylyq kómekten bólek, ishki kúsh-jigerin qoldaý qajet. Osy ishki jigerine arnaıy semınarlar men dárister eleýli kúsh beredi. Bul baǵytta biz aýdandarda jáne aýyldyq jerlerde belsendi jumystar júrgizýdemiz», - deıdi L. Ramazanova.