Qazaqstanda kásipodaq zańnamasy aýystyrylady
ASTANA. 5 qazan. QazAqparat - Qazaqstan Kásipodaq federatsııasynyń tóraǵasy Ábilǵazy Qusaıynov taıaý aılardyń ishinde «Kásibı odaqtar týraly» jańa zań jobasy qabyldanatyndyǵyna úmit artady. Bul týraly búgin ol elordada uıymdastyrylǵan dóńgelek ústel jıyny barysynda aıtty.
Onyń atap ótýinshe, elimizdiń kásipodaq qozǵalystary jańǵyrtý kezeńin bastan ótkerýde. Jumysshylaryn quqyǵyn shynaıy qorǵaýǵa qabiletti myqty kásipodaqtar qurýǵa basymdyq beriledi.
«Osyǵan oraı búgingi tańda eń aldymen «Kásibı odaqtar týraly» jańa zań qabyldaý máselesi qarastyrylady. Bul zań jobasyn QR Eńbek jáne halyqty áleýmettik qorǵaý mınıstrligi ázirlegen. Ony ázirleýge jáne talqylaýǵa barlyq qoǵamdyq birlestikter atsalysty. Búginde qujat QR Parlamenti depýtattarynyń qaraýynda jatyr. Biz taıaý aıdyń ishinde atalǵan zańnamalyq akti qabyldanady dep úmittenemiz», - dedi Á.Qusaıynov.
Onyń sózine qaraǵanda, atalǵan qujatqa kásipodaqtardy biriktirý, olardyń jaýapkershiligin arttyrý, jumysshylardy qorǵaý boıynsha quqyqtyq jumystardy jaqsartý máseleleri negiz bolǵan.
