Qazaqstanda kásipkerlik damytý ulttyq jobasy qabyldanady
«Eńbek» baǵdarlamasy aıasynda jylsaıyn 700 myń adam qoldaý is-sharalarymen qamtylady. Bul – oqytý, jumysqa ornalastyrý, turaqty jumys orny, alǵashqy jumys orny. Baǵdarlama 2017 jyldan beri qoldanysta. Bıyl baǵdarlama aıaqtalady. Jumyspen qamtýdaǵy onyń mańyzdylyǵy men tıimdiligi eskerelie otyryp, qazirdiń ózinde Kásipkerlikti damytý ulttyq jobasy qabyldanady. «Eńbek» baǵdarlamasyndaǵy barlyq bastamalardy Ulttyq jobaǵa qosamyz. Ol Memleket basshysy jarlyǵymen qabyldanady jáne jobalyq basqarý ádisteri qoldanylady. Qazirdiń ózinde aldaǵy 5 jylǵa arnalǵan esepteý bar. Іs-sharalar tolyq jazylǵan», - dedi vıtse-mınıstr.
Onyń atap ótýinshe, jobalyq basqarýdyń barlyq quraldary kelesi jyldan bastap júzege asyrylady.
«Tsıfrlandyrý boıynsha, jumys berýshiniń talaptarymen oqytý boıynsha barlyq quraldar Ulttyq jobada kórinis tabady. «Eńbek» baǵdarlamasy jańa formatta jalǵasady», - dedi Erjan Birjanov.