Qazaqstanda kásipker áıelderdi qoldaý qory quryldy
Osydan eki jyl buryn qurylǵan Іsker áıelder keńesi búginde elimizdiń barlyq aımaǵynda qanat jaıǵan. 16 óńirde jáne 170 aýdan ortalyqtarynda keńester qurylyp, olardy tabysty qyz-kelinshekter basqaryp otyr.
Іsker áıelder kongresinde sonymen qatar Áıelder kásipkerligin qoldaý qoryn qurý bastamasy kóterildi.
«Mundaı qordy qurý shaǵyn nesıeleý mehanızmi arqyly qarjy kózderine qoljetimdilikti arttyrady. Buǵan qosa, Qor ınnovatsııalyq ári tıimdi sheshimder qabyldanatyn, qajetti oqý kýrstary men bıznesti súıemeldeý qatar júrgiziletin áıelder keńesiniń oı-talqy ortalyǵyna aınalmaq», - dedi Іsker áıelder keńesiniń tóraıymy Lázzat Ramazanova.
Shara barysynda Lázzat Ramazanova áıelder kásipkerligin damytýǵa arnalǵan birqatar baǵdarlamalardyń iske asyrylatynyn aıtty.
Kongress qorytyndysy boıynsha «Atameken» QR UKP men ERG Eýrazııalyq Toby Áıelder kásipkerligin damytý jáne qoldaý máseleleri boıynsha ózara yntymaqtastyq týraly memorandýmǵa qol qoıdy.
Memorandýmǵa sáıkes Eýrazııalyq Top «Atamekenge» qaıtarym negizinde qarjylyq qoldaý kórsetedi. Bul qarajat Qazaqstandaǵy áıelder kásipkerligin qoldaýǵa jáne damytýǵa jumsalady.