Qazaqstanda kásibı-tehnıkalyq mamandar tapshy - G.Ábdihalyqova
ASTANA. 29 sáýir. QazAqparat /Jasulan Amanbaıuly/ - 2020 jylǵa arnalǵan Údemeli ındýstrııalyq-ınnovatsııalyq damý baǵdarlamasy (ÚIIDB) aıasynda kásibı mamandar tapshylyǵynyń eń úlken deńgeıi Qazaqstannyń kólik salasynda baıqalýda.
Bul týraly búgin Astanada «Eńbek naryǵy, kásibı jáne tehnıkalyq bilim berýdi damytýdyń bolashaǵy» taqyrybynda ótken respýblıkalyq konferentsııa barysynda QR Eńbek jáne halyqty áleýmettik qorǵaý mınıstri Gúlshara Ábdihalyqova málim etti.
«Eldegi ÚIIDB aıasynda eń aldymen kólik salasy - shamamen 31 myń adam, taý-ken - 23 myń jumysshy, munaı sektorynda - 20 myńǵa tarta, týrızm jáne mashına jasaý ındýstrııasynda - 10 myńnan astam bilikti kadrlarǵa muqtajdyq bar»,-dedi mınıstr.
Onyń aıtýynsha, qajettilik suranysynyń 70 paıyzǵa jýyǵy orta-kásiptik jáne tehnıkalyq bilimi bar mamandarǵa tıesili. Joǵary bilimi bar mamandarǵa suranys 14 paıyzdy quraıdy. Qalǵan 16 paıyzy biliktilikti talap etpeıtin jumys oryndary.
«Osylaısha, búgingi tańda kásibı-tehnıkalyq bilimi bar mamandarǵa jol berý kerek. Eńbek naryǵy sony májbúrleıdi»,-dedi G.Ábdihalyqova.
