Qazaqstanda qarjylyq qyzmetterdiń serverlerine DDoS-shabýyldar jasaldy
ASTANA. QazAqparat - QR Ulttyq banki 2017 jyldyń 27 qyrkúıeginde Qazaqstannyń keıbir qarjylyq servısteriniń serverlerine DDoS-shabýyldar jasalǵandyǵy, sondaı-aq olardyń 28 qyrkúıek kúni qaıtalaný qateri týraly aqparat túskenin málimdedi, dep habarlaıdy QazAqparat.
«Ulttyq bank ókiletti organdarmen birlese aqparattyq qaýipsizdikti qamtamasyz etý salasynda málimetterdi tekserý qadamdaryn iske asyryp, birqatar tehnıkalyq daıyndyq sharalary atqaryldy. Barlyq múddeli sýbektilerdiń jedel is-qımylynyń nátıjesinde qaterdi aýyzdyqtaýǵa, aldyn alý sharalaryn qabyldaý úshin qajetti derekterge qol jetkizýge múmkin boldy. Oqıǵa barysynda barlyq alynǵan aqparat ókiletti organǵa tekserý men tergeý amaldary úshin tapsyryldy»,-delingen Ulttyq bank baspasóz qyzmetiniń málimetinde.
DoS-shabýyl jáne DDoS-shabýyl - ol kompıýterlik jelilerge qarsy qaskúnemder is-áreketiniń ózge túrleriniń biri. Osynyń saldarynan júıeni paıdalanýshylar resýrs usynatyn qyzmetterge qol jetkize almaıdy.
