Qazaqstanda qarjy polıtsııasynyń joǵary basshylyq quramy 85 paıyzǵa jańardy
ASTANA. 28 jeltoqsan. QazAqparat - Kezekten tys attestattaýdyń bastalýy men nátıjesinde qarjy polıtsııasy organdarynyń joǵary basshylyǵy 85, orta býyndaǵy basshylyq quramy 27, aýmaqtyq qarjy polıtsııasy bólimsheleriniń qatardaǵy quramy 6,5 paıyzǵa jańartyldy. Bul týraly búgin brıfıng barysynda QR Ekonomıkalyq jáne sybaılas jemqorlyqpen kúres agenttigi tóraǵasynyń birinshi orynbasary Andreı Lýkın málim etti.
«Qarjy polıtsııasy organdarynyń 69 basshy qyzmetkeri, onyń ishinde agenttik tóraǵasynyń orynbasarlary, agenttik apparatynyń jetekshisi, ortalyq apparat departamentteriniń, óńirlik departamenttiń bastyqtary men olardyń orynbasarlary, Qarjy polıtsııasy akademııasynyń bastyǵy QR Prezıdenti janyndaǵy Joǵary attestatsııalyq komıssııadan suhbattasýdan ótti», - dedi ol.
Onyń atap ótýinshe, Joǵary attestattaý komıssııasynda synaqtan qarjy polıtsııasynyń 20 jetekshisi, nemese 29 paıyzy óte almady, olardyń 11 - jumystan bosatyldy, 8 -tómen laýazymdarǵa taǵaıyndaldy, 1 - basqa qyzmetke aýystyryldy.
Oǵan qosa, jyl basynan attestattaýǵa deıin ózderine júktelgen jumysty sáıkes deńgeıde atqarmaǵandary úshin laýazymdarynan 37 qarjy polıtsııasynyń jetekshi qyzmetkeri bosatyldy, onyń ishinde Agenttik tóraǵasynyń 2 orynbasary, ortalyq apparat departamentteriniń 6 bastyǵy, 9 aýmaqtyq departamentterdiń bastyqtary jáne aýmaqtyq departament bastyqtarynyń 20 orynbasary bar.
