Qazaqstanda qarjy pıramıdasyna tán belgiler bar 1 704 silteme buǵaqtaldy

NUR-SULTAN. QazAqparat – Elimizde sońǵy 1,5 aıdyń ishinde qarjy pıramıdasyna tán belgi bar 1246 silteme buǵaqtaldy. Bul týraly QR Qarjy monıtorıngi agenttiginiń QazAqparat tilshisi joldaǵan resmı saýal jaýabynda aıtylǵan.

«Qarjy pıramıdasy áreketine qatysty jaıttardyń aldyn alý maqsatynda messendjerler men áleýmettik jelilerge turaqty túrde monıtorıng júrgizilip otyratynyn habarlaımyz. Odan bólek saıttar men akkaýnttardy buǵattaý boıynsha jumys jandandyryldy. Jyl basynan beri qarjy pıramıdasyna tán belgiler bar 1 704 silteme buǵaqtaldy. Onyń ishinde 1246 silteme sońǵy 1,5 aıdyń ishinde buǵaqtalyp otyr», - degen aqparat berdi atalǵan agenttik.

Eske salsaq, bıyl sýirde Aqmola oblysynda Qnet qarjy pıramıdasynyń basshylaryna qatysty tergeý júrip jatqany týraly habarlaǵan edik.

Sondaıaq elimizde qarjy pıramıdalarynyń jarnamasy úshin qylmystyq jaýapkershilik engizý josparlanyp otyr.

QR Іshki ister mınıstrligi usynǵan derekke sáıkes jyl basynan beri qarjy pıramıdalarynyń ústinen 27 qylmystyq is qozǵalǵan.