Qazaqstanda qarjy naryǵyn retteıtin jańa agenttik qurylmaq
NUR-SULTAN. QazAqparat - Parlament Májilisinde «Qazaqstan Respýblıkasynyń keıbir zańnamalyq aktilerine qarjy naryǵyn retteý men damytý jáne mıkroqarjylyq qyzmet máseleleri boıynsha ózgerister men tolyqtyrýlar engizý týraly» zań jobasy tanystyryldy, dep habarlaıdy QazAqparat tilshisi.
Zań jobasynyń birinshi baǵyty qarjy sektoryn retteýdiń táýelsiz organyn qurýǵa qatysty. Eldiń ekonomıkalyq ósýine járdemdesý úshin Ulttyq bank aqsha-nesıe saıasatynyń tıimdiligine jáne ınflıatsııany baqylaý sharalaryn iske asyrýǵa aıryqsha mán bermek.
Atap aıtqanda, qarjy naryǵyn retteý men damytý, sondaı-aq tutynýshylardyń quqyqtaryn qorǵaý fýnktsııalaryn Qazaqstan Respýblıkasynyń Prezıdentine tikeleı esep beretin jańa memlekettik organ - Qarjy naryqtaryn retteý men damytý agenttigine berý usynylady.
«Ulttyq Bank pen Agenttiktiń qyzmeti tııanaqty túrde, onyń ishinde basqarý organdarynda ózara ókildik etý arqyly úılestiriledi. Agenttik respýblıkalyq bıýdjet esebinen qarjylandyrylady. Eńbekaqy tóleý júıesin Qazaqstan Respýblıkasynyń Úkimeti bekitedi, al qyzmetshilerdiń mártebesi Ulttyq bank talaptaryna sáıkes bolady», - dedi QR Ulttyq banki tóraǵasynyń orynbasary Oleg Smolıakov.
Sonymen qatar, qarjylyq turaqtylyqty qamtamasyz etý maqsatynda Ulttyq bank pen Agenttik Qarjylyq turaqtylyq jónindegi keńestiń qyzmeti aıasynda ózara is-qımyl jasaıdy.
«Tutastaı alǵanda qarjy naryqtaryn retteý men qadaǵalaý fýnktsııalary Agenttikke bekitilip beriledi. Ulttyq bankte tólem uıymdaryna, banktik emes aıyrbastaý pýnktterine, ınkassatorlyq kompanııalarǵa qatysty retteý men qadaǵalaý fýnktsııalary saqtalady», - dep atap ótti O. Smolıakov.
