Qazaqstanda qarýmen jasalatyn qylmystar sany 38 paıyzǵa artty

ASTANA. QazAqparat – Osy jyldyń qańtar-qyrkúıeginde elimizde qarýdy zańsyz alý, paıdalaný, ótkizý jáne basqa da áreketterge baılanysty 2 myń qylmys tirkeldi. Bul bir jyl burynǵy kórsetkishten 37,9 paıyzǵa artyq, dep habarlaıdy QazAqparat tilshisi.

Finprom.kz málimetinshe, quqyq buzýshylyqtardyń kópshiligi, ıaǵnı 1,4 myń is qarýdy, oq-dári, jarylǵysh zat jáne jarylǵysh qurylǵylardy zańsyz alý, berý, ótkizý, saqtaý, tasymaldaý nemese alyp júrýge baılanysty bolyp otyr.

Mundaı zańsyzdyqtar ótken jylmen salystyrǵanda 42,1 paıyzǵa artyp ketken.

Sonymen qatar jıi jasalǵan quqyq buzýshylyqtardyń qatarynda qarýdy zańsyz jasaý (418 jaǵdaı) jáne qarýdy, oq-dáriler men jarylǵysh zattardy urlaý nemese qorqytyp alý (141 jaǵdaı) bar.

Qarýdy zańsyz alý, paıdalaný, ótkizý jáne qarýmen basqa da áreketterge baılanysty qylmystyq quqyq buzýshylyqtar ishinde bir jylda eń kóp óskeni - qarý men oq-dárini urlaý nemese qorqytyp alý.

Mundaı qylmys 9,4 esege artyp ketken. Munyń sebebi qańtardaǵy oqıǵalar baılanysty.

Mundaı quqyq buzýshylyqtar sanynyń aıtarlyqtaı ósimi Almaty (bir jyl buryn 3 jaǵdaı bolsa, bıyl 31 jaǵdaı) jáne Jambyl (13 jaǵdaı, byltyr 1 ǵana jaǵdaı) oblystarynda da baıqaldy.

Qazaqstannyń 20 óńiriniń 14-de ǵana bul salada quqyq buzýshylyqtar tirkelgen.