Qazaqstanda Qarýly kúshter azyq-túlik sebetiniń quny arttyrylmaq

NUR-SULTAN. QazAqparat - Qazaqstanda Qarýly kúshter azyq-túlik sebetiniń qunyn arttyrý máselesi qarastyrylyp jatyr. Bul týraly QR Qorǵanys mınıstriniń orynbasary, general-maıor Baqyt Qurmanbaev aıtty, dep habarlaıdy QazAqparat tilshisi.

«Bizde tamaqtandyrýdy uıymdastyrýmen aýtsorsıng aınalysady. Biz munymen aınalysatyn kásibı kompanııadan qyzmet satyp alamyz.Sonyń arqasynda armııa ózine tán emes qyzmetterden bosatylyp otyr. Búginde armııa ashanaǵa kezekshilikke barmaıdy, ydys-aıaq jýyp, qazan tazalamaıdy. Burynǵydaı kúz kezinde kókónis suryptap, kókónis pen jemis-jıdek jınamaıdy», - dedi ol.

Onyń túsindirýinshe, armııany tamaqtandyrýmen sharýashylyq úı-jaıy, qosalqy sharýashylyǵy, daıyndaýshy qyzmeti bar jeke kompanııa aınalysady.

«Atalǵan kompanııaǵa mynadaı krıterııler qoıylady: tehnıkalyq múmkinshiligi, kadrlyq áleýeti, tamaqty qaýipsizdik daıyndaýdy, taratýdy jáne saqtaýdy qamtamasyz etetin bilikti qyzmetkerleriniń bolýy. Buǵan qosa, qyzmetkerlerinde tıisti sertıfıkattary bolýy qajet», - dedi Qorǵanys mınıstriniń orynbasary.

Sonymen qatar ol búginúi kúni Qarýly kúshterdiń azyq-túlik sebeti qunyn arttyrý máselesi qarastyrylyp jatqanyn aıtty.

«Sebebi ózderińiz de sońǵy jyldary azyq-túlik sebetiniń óskenin bilesizder», - dedi Baqyt Qurmanbaev.

Spıkerdiń dereginshe, qazirgi ýaqytta sarbazdardy tamaqtandyrýǵa jyl saıyn 10 mlrd teńgeden astam qarjy jumsalady.