Qazaqstanda kartop, pııaz, qaraqumyq baǵasy arzandady
ASTANA. QazAqparat - Qazaqstanda 2019 jyldyń qańtarynda azyq-túlik ónimderiniń baǵasy 2018 jyldyń qańtarymen salystyrǵanda orta eseppen 5,8% ósti, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.
Esepti kezeńde nan ónimderi, jarmalar, et, balyq, teńiz ónimderi, sút ónimderi, jumyrtqa, maı, qant, kondıter ónimderi, alkogoldy jáne alkogolsyz sýsyndardyń baǵasy kóterilip, jemis-kókónis arzandaı túsken.
Astyqtardyń biriniń baǵasy kóterilip, basqasy arzandady. Máselen, bıylǵy qańtarda 1 kg kúrishtiń ortasha baǵasy 317 teńge boldy, byltyr 287 teńge bolatyn. Al byltyr 301 teńge bolǵan qaraqumyqtyń baǵasy bıylǵy qańtarda 246 teńgeni qurady.
1 kg qanttyń ortasha baǵasy qańtar aıynda 240 teńge boldy, byltyr ol 194 teńge edi.
Kókónisterden: 1 kg kartoptyń baǵasy 2019 jyldyń qańtarynda ortasha 86 teńge boldy, byltyr 121 teńge edi, qyryqqabat - 106 teńge (81 teńge), pııaz - 78 teńge (96 teńge), al sábizdiń baǵasy ortasha 97 teńge (116 teńge) boldy.
Ashat Ahmetbekov
