Qazaqstanda qarqyndy ekonomıkalyq ósim qalpyna keldi - Elbasy

ASTANA. Tamyzdyń 27-si. QazAqparat - Qazaqstanda qarqyndy ekonomıkalyq ósim qalpyna keldi. Bul týraly juma kúni Qazaqstan Respýblıkasy Konstıtýtsııasynyń 15 jyldyǵyna arnalǵan «Konstıtýtsııa - memlekettiń demokratııalyq damýynyń negizi» atty halyqaralyq ǵylymı-tájirıbelik konferentsııanyń ashylýynda Elbasy Nursultan Nazarbaev málim etti.

Elbasynyń aıtýynsha, tipti kóptegen elderdiń damý qarqynyn báseńdetken álemdik daǵdarys jaǵdaıynda da, Qazaqstannyń ekonomıkasy oń serpinin joǵaltqan joq. «Qazir elimizde qýatty ekonomıkalyq ósim qalpyna keldi. Básekege qabiletti kásiporyndar ashylýda, jańa jumys oryndary qurylýda», - dep atap túıindedi óz sózin Elbasy.

«Memleketimizdiń áleýmettik sıpaty jónindegi konstıtýtsııalyq ustanym jahandyq daǵdarys saldarymen kúrestiń qıvyn kezeńinde barynsha kórinis tapsty. Eń bastysy - adamdarǵa kómek berildi», - dep túıindedi sózin Memleket basshysy.