Qazaqstanda kardıologtar men rentgenhırýrgtardyń І sezi ótedi
ASTANA. 30 naýryz. QazAqparat - 1-2 sáýir kúnderi elordadaǵy Ulttyq ǵylymı kardıohırýrgııalyq ortalyqtyń bazasynda
«Qazaqstandyq ınterventsııalyq kardıologtar jáne rentgenhırýrgtar qoǵamy» respýblıkalyq qoǵamdyq birlestiginiń І sezi ótedi. Mundaı deńgeıdegi shara Qazaqstanda alǵash ret uıymdastyrylmaq, dep habarlady «Ulttyq medıtsınalyq holdıngi» AQ-nyń baspasóz qyzmetinen.
Sezge qatysýshylar elimizdegi ınterventsııalyq kardıologııanyń damýyna qatysty ózekti taqyryptardy, qan tamyry hırýrgııasynyń problemalaryn, sonymen qatar zamanaýı emdeý tásilderin jan-jaqty talqyǵa salady. Onyń jumysyna Qazaqstannyń tanymal kardıologtary men hırýrgtary jáne halyqaralyq mamandar qatysady.
