Qazaqstanda kardıohırýrgııalyq otalar sany 23 esege artty - Úkimet otyrysy
ASTANA. 20 tamyz. QazAqparat - Sońǵy 11 jylda kardıohırýrgııalyq otalar sany 23 esege artty.
Bul týraly búgin Úkimettiń selektorlyq rejimdegi otyrysynda QR Densaýlyq saqtaý mınıstri Salıdat Qaıyrbekova málim etti.
«Keıingi 11 jylda kardıohırýrgııalyq otalar sany 23 esege, onyń ishinde balalarǵa jasalǵan operatsııalardyń sany 4 esege artty. 2012 jyldyń qorytyndysy boıynsha emdeýdiń zamanaýı ádisterin tájirıbede qoldanýdyń arqasynda balalardyń ómirin saqtaý 93,2 paıyzdy qurady», - dep atap ótti mınıstr.
Sonymen qatar S.Qaıyrbekovanyń atap ótýinshe, mınıstrlik deńgeıinde júkti jáne bosanǵan áıelderdiń qaýipti jaǵdaılarynyń kúndelikti monıtorıngi júrgiziledi. Keıingi 3 jylda akýsherlik salada qaýipti jaǵdaılardyń 25 paıyzǵa tómendegeni baıqalady. «Mundaı úrdis osy jyldyń birinshi jartyjyldyǵynda da saqtalýda», - dedi ol.
