Qazaqstanda qaraýsyz janýarlardy qoldaýǵa arnalǵan joba bastaldy
ALMATY. QazAqparat – Qazaqstanda janýarlarǵa jaýapkershilikpen qaraýdy qalyptastyrýǵa baǵyttalǵan «Birgemiz: Ayala» jobasy bastaldy, dep habarlaıdy QazAqparat tilshisi.
Jobanyń maqsaty janýarlarǵa jaýapkershilikpen qaraýdy qalyptastyrýǵa baǵyttalǵan volonterlik bastamalar men jobalardy damytý. Birqatar is-sharalardy iske asyrý janýarlarǵa jaýapty ıelik etýdi jáne olarǵa izgilikti qaraýdy qalyptastyrýdy qamtamasyz etýge múmkindik beredi.
«Qazaqstan Eriktiler lıgasy» QQ joba menedjeri Alfııa Haıbýlınanyń aıtýynsha, kún saıyn ıesiz janýarlar sany kóbeıip keledi.
«Іri megapolısterde olardyń sany myńǵa jetýi múmkin. Olardyń bireýi úısiz dúnıege keldi, bireýi joǵaldy, al bireýi «jaqsy qojaıyndar» qýyp shyqty. Kóptegen qalalarda úısiz janýarlarǵa arnalǵan baspanalar bar, biraq olar óte az, sonymen qatar jem, dári-dármekter, qarjylyq jáne aqparattyq qoldaý qajet. Olarǵa qarajat qana emes, sonymen birge baspanalar men úısiz janýarlarǵa kómektesýge daıyn adamdar, eriktiler kerek,- deıdi ol.
Joba aıasynda Nur-Sultan qalasynyń aýmaǵynda úısiz jáne joǵalǵan janýarlarǵa arnalǵan qyzmettiń jumysyn uıymdastyrý, volonterlerdi janýarlarǵa kútim jasaýǵa jáne ýaqtyly kómek kórsetýge úıretý, veterınarııaǵa, kınologııaǵa, zoopsıhologııaǵa oqytý, janýarlardyń baspanalaryna kómek kórsetý, zoovolonterlyqty damytý jáne tanymal etý, sondaı-aq úzdik praktıkalar jınaǵyn qalyptastyrý josparlanýda janýarlardyń baspanalaryna kómek kórsetý jáne úzdik tájirıbeler jınaǵyn qalyptastyrý josparlanýda.
Sonymen qatar, shaǵyn granttar baıqaýy ótkiziledi, onda árqaısysy 500 myń teńgeden 5 grant oınatylady. Bul volonterlik qyzmetti yntalandyrýǵa jáne azamattyq bastamalardy qoldaýǵa óz septigin tıgizbek.
«Birgemiz: Ayala» jobasyn iske asyrý barysynda janýarlarǵa jaýapkershilikpen qaraýdy qalyptastyrý boıynsha usynystar qabyldanady. Joba qorytyndysy boıynsha el turǵyndarynyń barlyq ótinishteri men tilekterin eskere otyryp, halyqtyń janýarlarǵa degen jaýapkershiligin qalyptastyrý boıynsha usynymdar ázirlenip, ýákiletti organdarǵa jiberiletin bolady.
Janýarlarǵa jaýapkershilikpen qaraýdy qalyptastyrýǵa baǵyttalǵan «Birgemiz: Ayala» jobasy QR Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ memlekettik granty sheńberinde iske asyrylady.
