Qazaqstanda qarashanyń alǵashqy kúni aýa raıy qandaı bolady
ASTANA. QazAqparat - Qarashanyń alǵashqy kúni Qazaqstannyń basym bóliginde jaýyn-shashyn bolady, tek batys, ońtústik-batys óńirlerde ǵana kún birshama jyly bolýy múmkin, dep habarlaıdy QazAqparat Qazgıdrometke silteme jasap.
Shyǵys Qazaqstan oblysynyń keı jerlerinde jaıaý burqasyn bolyp, jeldiń jyldamdyǵy sekýndyna 15-20 metr, ekpini 23 metrge deıin jetýi múmkin.
Aqmola oblysynyń keı jerlerinde kóktaıǵaq, burqasyn bolady, kúndiz jeldiń jyldamdyǵy 15-20 m/s-qa jetedi.
Jambyl, Qyzylorda, Túrkistan oblystarynyń keı jerlerine tuman túsedi, jel sekýndyna 15-20 metr jyldamdyqpen soǵady. Jambyl, Qyzylorda oblystarynyń keı jerlerinde kóktaıǵaq bolady.
Qostanaı jáne Soltústik Qazaqstan oblystarynyń keı jerlerinde burqasyn, kóktaıǵaq bolady, jeldiń jyldamdyǵy sekýndyna 15-20 metrge deıin jetýi yqtımal.
Almaty, Qaraǵandy oblystarynda, túnde Pavlodar oblysynda keı jerlerge tuman túsedi, Qaraǵandy oblysynyń keı jerlerinde kóktaıǵaq bolady.
Eske sala keteıik, qarasha aıynyń basynan Qazaqstanda kún sýytatyny habarlanǵan bolatyn.
