Qazaqstanda qarasha aıynda túıeler sany azaıdy

ASTANA. QazAqparat - Qarasha aıynda Qazaqstanda túıeler sany azaıdy. 1 jeltoqsandaǵy jaǵdaı boıynsha, elimizdegi túıeler sany 2,9 myń basqa,  205,9 myńnan 203 myńǵa deıin, nemese 1 paıyzǵa azaıǵan, dep habarlaıdy QazAqparat kazakh-zerno.kz silteme jasap.

Qarashada túıeniń eń kóp 500 myńǵa deıin azaıýy tórt óńirde tirkelgen. Bul Qyzylorlda oblysy - 0,7 myń basqa  (47,2 myńnan 46,5 myńǵa deıin), Mańǵystaý oblysy - 0,7 myń basqa (62 myńnan 61,3 basqa deıin), Aqtóbe oblysy - 0,6 myń basqa (17,2 myńnan 16,6 myńǵa deıin) jáne Túrkistan oblysy - 0,5 myń basqa (27,2 myńnan 26,7 myńǵa deıin). Taǵy tórt oblystaǵy túıe sany 0,1 myńnan 0,3 myńǵa deıin qysqarǵan. 

Elimizde túıeniń kóp bóligi úsh oblysta ornalasqan. Mańǵystaý oblysynda - 61,3 myń, Qyzylorda oblysynda - 46,5 myń, Atyraý oblysynda - 32,4 myń bas túıe bar. Bul- 140,2 myń bas nemese eldegi osy túlik túriniń 69 paıyzy.

Eske sala keteıik, bıylǵy jyldyń birinshi jartysynda bul janýardyń tóldeýi kezinde onyń basy qańtarǵa qaraı 16,4 paıyzǵa ósken. QR Statıstıka komıtetiniń málimetinshe, 2018 jyldyń 1 qańtarynda Qazaqstanda 188,4 myń túıe bolǵan, al 1 shildede 219,3 myń túıe basy tirkelgen. Nátıjesinde jarty jyldyń ishinde túıe basynyń sany 30,9 myńǵa nemese 16,4 paıyzǵa kóbeıdi.