Qazaqstanda karantındi buzǵan 4 myńnan astam adam jaýapkershilikke tartylǵan
NUR-SULTAN. QazAqparat – Qazaqstanda karantındi buzǵan 4 myńnan astam adam jaýapkershilikke tartylǵan, dep habarlaıdy QazAqparat.
Іshki ister mınıstri Erlan Turǵymbaev Qazaqstan Prezıdentine dári-dármekti zańsyz satýdyń jolyn kesý jáne karantın sharalaryn buzý faktileri týraly baıandady. Keńeste Іshki ister mınıstri E.Turǵymbaev esep berip, ІІM densaýlyq saqtaý jáne jergilikti atqarýshy organdarmen birlesip,18 myńnan astam reıd júrgizgeni týraly aıtyp ótti,
Kórsetilgen kezeńde barlyǵy 4000-nan astam karantındi buzýshy anyqtalyp, shara qoldanylǵan. Atap aıtqanda mundaı jaǵdaı Almaty qalasynda, Aqmola, Túrkistan, Almaty jáne Jambyl oblystarynda kóp tirkeldi.
Qasym-Jomart Toqaev koronavırýs indetiniń taralýyna qarsy kúres máseleleri jóninde ótken selektorlyq keńeste quqyq qorǵaý, densaýlyq saqtaý jáne jergilikti atqarýshy organdar dárilik zattar men medıtsınalyq qural-jabdyqtardy satý boıynsha quqyq buzýshylyqtardy anyqtaýda jáne onyń jolyn kesýde turaqty túrde vedomstvoaralyq jumys júrgizý qajettigin basa aıtty.
