Qazaqstanda karantın saqtamaǵan 84 kafe-bar sot sheshimimen jabylǵan

NUR-SULTAN. QazAqparat - Karantın talaptaryn buzǵany úshin qazaqstandyqtarǵa 1,3 mlrd teńgeden astam aıyppul salyndy, dep habarlaıdy QazAqparat sanıtarııalyq-epıdemıologııalyq baqylaý komıtetine silteme jasap.

1 qańtar men 19 maýsym aralyǵynda karantın talaptarynyń saqtalýyn baqylaıtyn monıtorıng toptary 107 358 reıd júrgizip, 655 859 nysandy tekserdi.

17 myńnan astam kásipkerlik nysany shekteý talaptaryn buzǵan.

Karantın rejımin buzǵan kásipkerlik nysandarynyń basym bóligi Shyǵys Qazaqstan, Túrkistan jáne Almaty oblystarynda, sondaı-aq, Almaty jáne Shymkent qalalarynda ornalasqan.

Monıtorıng barysynda karantın kezinde qyzmetine tyıym salynǵan nysandardyń jumys isteıtini, jumys kestesine qoıylatyn shekteýlerdiń saqtalmaıtyny, buqaralyq sharalardyń uıymdastyrylatyny anyqtaldy.

Tekserý jumystarynyń nátıjesi boıynsha 315 is sotqa jiberlip, 84 nysannyń qyzmeti ýaqytsha toqtatyldy.

Karantın talaptaryn buzǵany úshin 9, 9 myń shaǵyn jáne orta bıznes ıesi, 7,1 myń jeke tulǵa ákimshilik jaýapkershilikke tartyldy.

Salynǵan aıyppuldyń jalpy somasy 1,3 mlrd teńgeden asady.