Qazaqstanda karantın rejımin jeńildetý jospary jasalǵan - Toǵjanov
NUR-SULTAN. QazAqparat - QR Premer-Mınıstriniń birinshi orynbasary Eraly Toǵjanov karantın rejımin jeńildetý jospary týraly aıtyp berdi, dep habarlaıdy QazAqparat tilshisi.
«Ázirge karantın rejımin jeńildetý boıynsha jospar ázirlengen. Onda maýsym aıy da qamtylatynyn tolyq aıta alamyn. Budan basqa da Úkimettiń jeńildetý, shekteý sharalary týraly boıynsha tutas jospary bar. Búgin Úkimet Premer-Mınıstr tóraǵalyǵymen 159 bólimnen turatyn keshendi jospardy ázirledi. Barlyq sharalar ekonomıkalyq bólimdi qalpyna keltirýge baǵyttalǵan. Bul - kún tártibinde turǵan óte mańyzdy máseleler. Ásirese jumys oryndaryn qalpyna keltirý máselesi ózekti», - dedi Eraly Toǵjanov Úkimet úıinde ótken onlaın brıfıngte.
Aıta keteıik, Memleket basshysy Qasym-Jomart Toqaev búgin Qazaqstandaǵy tótenshe jaǵdaı rejımi toqtaǵanyn habarlaǵan edi. Biraq, elimizde karantın rejımi áli de saqtalady.
