Qazaqstanda qaraqumyq, sábiz jáne jumyrtqa arzandady
ASTANA. QazAqparat - Qazaqstanda aýyl sharýashylyǵy ónimderiniń baǵasy 2017 jyldyń jeltoqsanymen salystyrǵanda 2018 jyldyń naýryzynda 0,4 paıyzǵa kóterildi, dep habarlaıdy «QazAqparat» QR Ulttyq ekonomıka mınıstrliginiń baspasóz qyzmetine silteme jasap.
Eseptik kezeńde mal sharýashylyǵy ónimderi 1,6 paıyzǵa qymbattap, ósimdik sharýashylyǵy 0,3 paıyzǵa arzandaǵan.
2018 jyldyń qańtar-aqpan aılarynda qaraqumyq baǵasy 2,7 paıyzǵa, qara bıdaı - 1,8, bıdaı - 0,4, júgeri - 0,3 paıyzǵa arzandaǵan. Al suly 1,6 paıyzǵa qymbattaǵan. Sonymen qatar tary baǵasy 1 paıyzǵa jáne kúrish 0,4 paıyzǵa kóterilgen.
Jyly jerde ósiriletin qııar - 24,1, oramjapyraq - 5,1, jyly jerde ósiriletin qyzanaq - 3,4 jáne kartop pen as qyzylshasy 05 paıyzǵa qymbattaǵan. Al sábiz 0,8 paıyzǵa arzandaǵan, sarymsaqtyń ta baǵasy 0,4 paıyzǵa túskeni baıqalady. Asburshaq 4 paıyzǵa jáne kúnbaǵys tuqymy 3,7 paıyzǵa túsip otyr.
Qus etiniń baǵasy 3,3 paıyzǵa kóterilgen. Іri qara malynyń eti - 2,2, shoshqa - 1,9, jylqy eti - 0,9, qoı eti 0,6 paıyzǵa qymbattaǵan.
Shıki sút 3,6 paıyzǵa, qoıdyń júni 1,1 paıyzǵa qymbattasa, taýyq jumyrtqasy 4 paıyzǵa arzandaǵan.
Foto: libertatea.ro
