Qazaqstanda qar jaýyp, kún sýytady - sınoptıkter
ASTANA. QazAqparat - Qazaqstanda 3-5 aqpan kúnderi qar jaýyp, aýa temperatýrasy birtindep tómendeıdi, dep habarlaıdy QazAqparat Qazgıdrometke silteme jasap.
«Aldaǵy demalys kúnderi Qazaqstandaǵy aýa raıyn tsıklon jáne soǵan baılanysty aýa aǵyndary belgileıdi. Respýblıkanyń birshama oblysynda qar jaýyp, boran soǵady, jeldiń ekpini kúsheıip, eldiń ońtústiginde kóktaıǵaq bolyp, tuman túsedi», - delingen habarlamada.
Qazaqstandyqtar taǵy da kúnniń sýytqanyn sezinedi. Tek batys óńirlerde jyly aýa raıy saqtalyp, temperatýra klımattyq normadan 3-8 gradýsqa joǵary bolady. Qazaqstannyń qalǵan aýmaǵynda aldaǵy birneshe kúnde aýa temperatýrasy normaǵa jýyq bolady.
