Qazaqstanda qar túsip, ekpindi jel soǵady, kóktaıǵaq bolady - 24 qazanǵa arnalǵan aýa raıy boljamy
ASTANA. 23 qazan. QazAqparat - Atmosferalyq aǵymdardyń ótýimen baılanysty Qazaqstannyń kóptegen aýmaqtarynda 24 qazan kúni jaýyn-shashyn kútilýde, respýblıkanyń soltústik-shyǵys jáne shyǵys bóliginde qar jaýyp, ekpindi jel soǵady, kóktaıǵaq bolady, dep habarlaıdy Qazgıdrometke silteme jasaı otyryp TJM-niń baspasóz qyzmetinen.
Shyǵys Qazaqstan, Jambyl, Qyzylorda, Mańǵystaý oblystarynda, túnde Pavlodar, Qaraǵandy oblystarynda, kúndiz Ońtústik Qazaqstan oblysynda jyldamdyǵy 15-22 m/s deıin jel soǵady.
Túnde Qostanaı oblysynyń keıbir jerlerine tuman túsýi yqtımal.
Aqmola oblysynyń birqatar aımaqtarynda kóktaıǵaq bolýy múmkin.
Aldaǵy táýlikte Shyǵys Qazaqstan oblysynyń taýly ózenderinde, sonyń ishinde Buqtyrma jáne taǵy basqalarynda jaýyn-shashynnyń mol túsýine baılanysty sý deńgeıiniń kóterilýi múmkin, jekelegen ózenderde tasqyn bolýy yqtımal. Qazaqstannyń soltústik oblystarynyń sý nysandarynda sý betiniń odan ári salqyndaýy baıqalady.
