Qazaqstanda qar, burqasyn, tuman, kóktaıǵaq bolady dep kútilýde - 15 naýryzǵa arnalǵan aýa raıy boljamy
ASTANA. 14 naýryz. QazAqparat - Qazaqstannyń kóptegen aýmaǵynda 15 naýryz kúni áli de aýa raıy turaqsyz bolyp, keıbir jerlerde jeldiń kúsheıýi jáne burqasyndy qar túsedi dep kútilýde, dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Almaty, Jambyl oblystarynda túnde keıbir jerlerde tuman túsedi, kúndiz Jambyl oblysynda jeldiń sekýndyna 15-20 metrge deıin kúsheıýi kútilýde.
Qyzylorda, Mańǵystaý oblystarynda - keıbir jerlerde tuman, jeldiń sekýndyna 15-20 metrge deıin kúsheıýi kútiledi.
Atyraý, Aqtóbe, Qostanaı oblystarynda keıbir jerlerde jeldiń sekýndyna 15-22 metrge deıin kúsheıýi, burqasyn, kóktaıǵaq, Qostanaı oblysynda - keıbir jerlerde tuman túsedi dep kútilýde.
Batys Qazaqstan oblysynda - keıbir jerlerde burqasyn, jeldiń sekýndyna 15-20 metrge deıin kúsheıýi bolady dep kútiledi.
Soltústik Qazaqstan, Shyǵys Qazaqstan, Qaraǵandy oblystarynda burqasyn, jeldiń sekýndyna 15-22 metrge deıin kúsheıýi kútilýde.
Pavlodar oblysynda kúndiz sekýndyna 18 metr ekpinmen jel soǵady.
Jaqyn táýlikterde Syrdarııa (Kóktóbe jáne Tómenaryq gıdrobeketteriniń arasynda), Shý ózenderinde, Almaty oblysynyń jekelegen ózenderinde (Іle, Qaratal, Aqsý, taǵy basqa) muz betiniń álsireýi jáne buzylýy kútilýde. Ońtústik Qazaqstan, Jambyl, Almaty jáne Shyǵys Qazaqstan oblystarynyń ózenderinde sý deńgeıleriniń aýytqýlary baıqalady. Aýa temperatýrasynyń joǵarylaýyna jáne kútilip otyrǵan jaýyn-shashyndarǵa baılanysty Almaty oblysynyń tómengi taýly aımaǵynda qardyń erýi baıqalady.
