Qazaqstanda qańtar-tamyz aılarynda ónerkásip óndirisi 4,7 paıyzǵa artty
ASTANA. QazAqparat - Qazaqstanda 2018 jyldyń qańtar-tamyz aılarynda ónerkásip óndirisi ótken jyldyń sáıkes merzimimen salystyrǵanda 4,7 paıyzǵa artqan, dep habarlaıdy QazAqparat tilshisi QR Ulttyq ekonomıka mınıstrligi Statıstıka komıtetine silteme jasap.
Osy jyldyń qańtar-tamyz aılarynda ótken jyldyń osy aralyǵyndaǵy sáıkes kezeńmen salystyrǵanda shıki munaı men tabıǵı gaz, metall kenderiniń ónimdiligi kóbeıgen. Sonymen qatar, azyq-túlik ónimderi men temeki buıymdarynyń, rezeńke jáne plastmass, metallýrgııalyq jáne kólik quraý ónimdilikteri óskeni belgili bolyp otyr. Sondaı-aq, farmatsevtıkalyq ónimderdiń óndirisi azaıǵan.
Naqtyraq aıtqanda, munaı óndirisiniń kólemi, onyń ishinde gaz kondensanty esep berilip otyrǵan kezeńde 60 mln tonnaǵa (ótken jylmen salystyrǵanda 5,3 paıyzǵa kóbeıgen), mys óndirisi 68,2 mln tonnaǵa (+4,6 paıyzǵa) artqan. Benzın óndirisi 2,5 mln tonna (+14,9 paıyzǵa), gazoıl óndirisi - 3,1 mln tonnany (-0,1 paıyzǵa) kórsetken. Sonymen qatar, tazartylǵan mys ótken jylǵyǵa qaraǵanda 0,3 mln tonna (+0,4 paıyzǵa), portlandtsement - 7 mln tonna (+8,4 paıyzǵa), elektroenergııa - 71,2 mlrd kVt/ch (+6,2 paıyz), un - 2,8 mln tonna (+11,8 paıyz) artyq óndirilgen.
Ónerkásip óndirisi kóleminiń artýy respýblıkanyń 13 aımaǵynda baıqalyp otyr.
